舊年年底
王浩信就同高海寧、張振朗
佢哋幾個一起
跟王祖藍翻咗內地參加綜藝
留翻老婆仔陳自瑤
獨自一人喺香港打拚
Yoyo除咗公開講過一下
好支持老公仔北上發展之外
兩人其實分開咁長時間
都冇乜過多互動
老公北上務工
陳自瑤就認真投入自己嘅劇本
同「前夫」羅子溢搭檔拍戲
聽聞仲有出道以嚟
最大膽嘅戲份添
喺上周啱播完嘅《回歸光影頌》入面
Yoyo就有份主演其中一個單元
飾演乒乓球手嘅佢都幾有睇頭噶
唔少觀眾都為佢點like
相反王浩信喺內地嘅綜藝
就水花一般
搵佢哋扮「春田花花」「神雞雕俠侶」
搞笑不足、話致敬經典又唔夠味道
實在令人有啲失望無語
唔好懷疑……其中一朵「花」就係王浩信
不過睇得出
佢都有認真對待每part工作
再無稽嘅劇情安排都有用心對戲
係個有責任心嘅過氣視帝
唔好懷疑……呢只雞雕真係王浩信嚟噶
上個星期
咁啱就係王浩信嘅39歲生日
喺內地嘅工作行程緊湊
佢就忙裡偷閒
趁收工先同啲同事玩個短視頻
戴個皇冠「儀式感」一下
有網友就注意到
呢個小視頻嘅墊底音樂
係張國榮嘅《無心睡眠》
大家都思疑
王浩信係同Yoyo分開得太耐
借生日嚟寄情於歌
暗喻自己掛住屋企掛到「無心睡眠」
唔少人仲喺社交平台留言
祝佢生日快樂嘅同時
仲話好期待睇到
佢可以同老婆仔合體拍嘢添
但兩位當事人
對呢個提議反而毫無回應
Yoyo唔知係咪實在太忙
甚至連祝福都冇留一句
雖然王浩信就身在內地
但佢早前同余香凝合作嘅
勵志電影《心裡美》就準備上畫了
最近正在衝刺做宣傳
喺呢部電影裡面
王浩信會飾演一個
補習社嘅天王級導師
同飾演學校教師嘅余香凝
從誤會到相知
片中貫穿愛情、親情、師生情
等等情愫
為劇情需要
王浩信仲影咗好多「天王海報」
做成各種廣告燈箱
幫自己打造「補習天王」嘅形象
因為劇中嘅人設好受歡迎
補習班啲學生仲會
用熒光棒為佢打call添
究竟王浩信飾演嘅
呢位「金牌導師」係助人金榜題名
定係誤人子弟
咁就要睇咗正片先知啦
目前電影就會先喺香港上映
大家覺得
Yoyo會唔會去捧老公場咧
MORE
今日娛樂看點
運動員開talk show
《怎麼辦脫口秀專場》
將舉辦體育專場
邀請黃健翔、馬君、
福原愛、高亭宇登台
為大家爆料體壇趣事
《追趕春天的人》發布
電影《我們的樣子像極了愛情》嘅
片尾曲《追趕春天的人》今日發布
周深將獻唱該片全部歌曲
佢好似唱完一整部愛情電影
范丞丞假髮甩色
最近「染」咗紅色頭髮嘅范丞丞
節目休息期間擦汗
發現自己個「假髮」甩色
表情搞笑
丞丞嘅頭髮唔係第一次甩色啦
髮型師可唔可以幫幫佢
信息來源:劇照、海報、微博
網路信息綜合整理
編輯:郭瑋
*文中圖片版權歸原作者所有,
如涉及侵權請聯繫,立即刪除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color,度身打造專屬廣州人的吃喝玩樂指南,潮流風向標資訊。
官方微信號:靚仔可樂君(handsomecolor)