羅志祥傳已付愷樂500萬新台幣解約金

台灣舞王羅志祥（小豬）去年被舊愛周揚青爆鍾意玩「多人運動」，更同旗下嘅「蝴蝶姐姐」愷樂有「長期不正當關係」。雖然小豬已逐漸復出，拍片提升人氣，但愷樂向周揚青道歉後就人間蒸發。

傳小豬已付解約金畀愷樂！

早前盛傳小豬會畀愷樂解約金，自此不拖不欠，今日有傳小豬已畀對方500萬元新台幣（約140萬港元），不過愷樂因受負評影響心情，雖然曾有朋友介紹工作畀佢，但佢都一一婉拒，認為自己未喺工作狀態。對於小豬已付解約金，小豬經理人話只系同愷樂合約啱啱到期，但就冇解約金嘅事。

以後不拖不欠。

有指愷樂全盛時期每年收逾千萬元新台幣，好在佢為人知慳識儉，而佢仲有2層總值4,000萬新台幣（約1,190萬港元）嘅物業打底，相信佢經濟暫冇乜大問題。