【點新聞報道】當初跟風移民的港人，若今時今日醒覺條數計錯咗，一系就繼續挨落去，一系就「認命」回到起點，從新面對競爭。有一名移民加拿大的港女在網上發文話，早前回港與親友相聚，發現個個朋友都已高薪厚職，「唔系Senior manager 就系director，唔少都系百萬年薪」，加上家人每日洗腦叫她迴流，話香港「好食好住，又搵多啲錢」，樓主坦言「真系既矛盾又掙扎，何處是吾家？」。
該名移加港女在社交平台threads發文分享對迴流的掙扎，「返咗香港3星期，以為系一個機會比自己enjoy下香港，同朋友見下面，反思下返唔返香港呢個問題。」她指自己一向對迴流開放樂觀，既想回港陪家人，又想搵錢，「未出發之前我系好樂觀正面，覺得短期內應該可以計劃返香港，原因都系家人同埋想搵多幾個錢。」
不過，樓主返港後，發現個個朋友都已高薪厚職，自己己遠遠落後，「而家啲朋友個個唔系Senior manager 就系director，唔少都系百萬年薪。其實咁耐冇返去，啲朋友都仲會抽空出黎見我，我都好感動。不過感情long d 其實點都淡，人大咗人情冷暖都明，個人都學識唔好咁執著。」
反之，樓主在加拿大的生活卻入不敷出，仍跌落地揦返拃沙咁話，「返到加拿大訓返張又大又舒服慨床，一個人住5百幾尺，出門揸車，chill住去coffee shop，放工上山滑雪，同一班繫到識咗幾年慨朋友飲茶打牌，就算生活paycheque to paycheque，其實都唔太差。」
樓主透露家人不斷催促她迴流，但她擔心自己年紀唔細，因此猶豫不決，「當然屋企人每日洗腦叫我返香港，又話好食好住，又搵多啲錢。不過而家呢個年紀都冇得彈出彈入，迴流，可能一回就要幾十年。」最後，不禁嘆道：「真系既矛盾又掙扎，何處是吾家？」。
不少網民留言指「心安之處是吾家」，「冇必要掙扎，加拿大不是你理想居住地方，回香港去系最佳選擇」、「我92年移民去滿地可 返過香港ー次，系香港做咗半年工作，不想返去加拿大，見到落雪就憎死了，鏟雪手都起水泡！」。
