艺人吴伟豪及陈庭欣（toby）昨日（15日）出席剧集《有种好男人》宣传，谈到该剧踏入结局周，吴伟豪表示：“眨吓眼就播完喇，呢排我比较忙，所以都唔系集集追睇得到。（知道观众嘅反应点？）大家都觉得我比想象中后生，拍嘅时候我都担心自己个样比较成熟，但依家出咗街又冇乜人讲嘢㖞，仲赞我造型有啲唔同。（有冇听过话李佳芯撑起全套剧收视？）每个人都有贡献嘅，妈咪（李佳芯）嘅影响力无疑非常之大。（咁你贡献咗啲乜？）我个人同努力啰，咁好幸运今次能够同到佳芯同马神（马德钟）合作，我先可以咁自信去演绎呢个角色。（马德钟冇出席过宣传活动？）佢好似唔喺香港，但之前有同我哋live过。”
谈到爸爸吴大强依然“留守”《中年好声音》，吴伟豪戥对方自豪：“佢依家比我更受欢迎，要继续加油，同埋希望佢可以顺住个势赢埋个比赛。（再去现场撑佢？）会。（同佢分享心得？）佢应该分享畀我啦，教吓我点唱歌，我都唔敢麻烦佢，等佢专心准备比赛，总之依家佢忙过我㗎。（你细个佢已经咁好唱口？）系，不过当时佢要养家，我哋依家个个算有啲成就，佢就可以追梦嘞。”
另外，toby透露市道复苏，自己接了不少春茗司仪工作：“不过可以再多啲，我仲有好多期㗎。（过肥年？）全部都系新年后，都谂紧会去维园行花市，因为疫情下好耐冇去过嘞。” 谈到《有》剧内扮演马神前女友，她满足表示：“骚完长腿又强吻佢，满足同赚咗嘞。”
艺人陈庭欣（toby）与有米男友benny拍拖多年，早前有传benny与金发女子出海，toby即化身大方女友，为男友护航指“朋友唔系男就系女”，日前benny生日，toby当然都有同男友庆祝，以行动力证感情不变。toby于社交网大晒靓相，2人不但于酒店大叹奢华晚餐，更获得vip待遇，有专人安排导赏团游览酒店绝密内部，激罕参观天台直升机停机坪，兼手拖手影打卡靓相，机会难得。
