拍拖8年，情種孫耀威與女友陳美詩今年拉埋天窗，秘密籌備婚禮！

現年44歲的孫耀威，1992年參加台灣舉行的青春之星國際音樂大賽後，獲得優異獎，其後簽約加入娛樂圈。

孫耀威本身系高材生，自小成績優異，唔知系咪因為咁，為佢加咗好多分，入行近25年，佢嘅緋聞女友雖不至於要列張清單嚟計，不過都唔叫少，圈內圈外踲都有。

好在呢只雀仔飛呀飛，終於都肯修心養性，定落嚟娶陳美詩。

孫耀威同36歲女友陳美詩（Macy）愛情長跑8年，年前曾傳兩人已秘婚，但佢哋都否認。據知，兩人今年真繫結婚啦，依家秘密籌備緊婚禮，下月出發到墨爾本、悉尼、柏斯等地影浪漫婚紗相㖭。

近日，孫耀威在社交網貼送花相慶祝拍拖8周年，佢寫道：「SURPRISE！雖然我要拍戲，但也希望你：8周年快樂！∞周年快樂！」仲贊自己「其實我都幾浪漫」「女人收花冇得輸」。

原來老孫早已計劃娶老婆，記者致電向準新娘Macy恭喜，佢口密話：「嚇！你收到呢個風？我都未收到喎。」問到系咪要保持秘密？Macy難掩笑聲：「唔系喎，我真系未收到，啱啱慶祝咗8周年咗，但我冇收到呢個風喎，系咪surprise嚟㗎？可能系都唔定，呢個搞笑啫。」

記者笑謂教徒唔好講大話，Macy笑得好開心，但依然話：「我收到確實嘅風，再話畀你聽呀，睇下系咪空穴來風，可能有人知我唔知，可能系surprise。」系咪等搞掂儀式才公開？佢強調：「唔系呀，我真系冇收到風，要問一問佢先知，等我八卦下先。」問到結婚系咪會公布？Macy表示：「咁如果有好消息可以講，當然會話畀大家知，開心嘢嚟嘅㗎。」

8年系時候結束愛情長跑，Macy話：「我幫你提供呢個消息畀佢聽呀。」問到男友求婚未？Macy話：「可能佢想一次過畀surprise我都唔定，保持住神秘先。」問到心目中嘅夢幻婚禮？Macy話：「我冇諗㗎，surprise就得，哈哈哈，最緊要開心，唔使話乜特別嘢，香港同外地都冇乜所謂。」系咪嫁硬老孫呢？Macy扮矜持：「唔，睇嚇啦，諗一諗先，哈哈！都會朝呢個方向嘅。」心急做媽咪？佢話：「唔心急，一直隨遇而安，覺得自有安排。」

至於老孫就冇聽電話，只透過whatsapp語音回覆：「我拍緊戲呀，呢啲風成日都咁收，Macy啱啱send message話我知啦，哈哈！冇吖，未定呀，乜都未定呀，真系多謝大家關心呀，遲啲等有消息，等我自己都知道先得㗎，哈哈，有消息到時再話畀你知，多謝關心。」

恭喜恭喜