丫鬟大变身
台湾女星林心如当年凭内地剧《还珠格格》紫薇一角红透亚洲，佢嘅演技亦备受肯定，原来唔只佢自己红，仲将“旺气”带埋畀身边嘅“丫鬟”，有3位曾经喺剧中演佢丫鬟嘅女星，如今都升呢成为一线花旦，正宗系“妹仔大过主人婆”！
林心如当年凭《还珠格格》紫薇一角红遍亚洲
有唔少演过林心如“丫鬟”嘅女星都爆红
当中大家最印象深刻嘅系内地女星范冰冰，佢喺《还珠格格》中演林心如丫鬟“金锁”，而为人所熟悉，之后佢就愈来愈多演出机会，升呢做女一，参与唔少电视剧、电影演出，获封做影后同视后，得奖无数，仲红到去国际，曾为荷里活电影《变种特攻：未来同盟战》等演出！但系佢近年因逃税风波，形象跌入谷底，虽然积极为复出做准备，但暂时都未有新嘅影视作品推出。
范冰冰（左）当年演林心如（中）丫鬟“金锁”
范冰冰红到国际
曾拍过美国大片
内地女星杨幂曾经喺内地剧《美人心计》演林心如嘅近身婢女，当时佢只系配角，但系凭住靓样同埋细腻演技，成功抢角，大获好评！如今佢已经系内地一线花旦，仲创立娱乐公司“嘉行传媒”，升呢做老板，旗下艺人有迪丽热巴、祝绪丹等，仲制作咗唔少人气剧集，包括《三生三世十里桃花》、《三生三世枕上书》等，事业发展相当顺利。
杨幂（右）喺剧中演林心如嘅近身婢女
依家杨幂唔只系一线花旦，仲系升呢做娱乐公司老板
凭内地剧《延禧攻略》爆红嘅内地女星吴谨言，亦曾经喺内地剧《秀丽江山长歌行》中饰演林心如嘅侍女，当时佢嘅戏份唔多，都冇咩亮点，但系佢之后默默耕耘咗几年之后，就靠着《延禧》“魏璎珞”一角红遍两岸三地，虽然依家人气唔及当时，但系仍然密密有剧拍，成为内地当红花旦！
吴谨言（右2）喺剧中饰演林心如嘅侍女
吴谨言凭内地剧《延禧攻略》爆红
升呢做一线花旦！
关注我，@帝八卦婆婆，关注更多港台娱乐一线资讯
