“香香公主”岑丽香
前两日喺网上po咗
一组亲子日常靓相
只见佢着白色衬衫
加热辣短裤
同可爱仔仔
从堆沙玩到入波波池
香香兴奋比耶
似乎仲开心过仔仔喔
黑超遮眼
但依然挡唔住
香香嘅甜美笑容
喺抓拍中嘅动作、体态
充满咗少女感
网友激赞佢“青春无敌”
完全唔似做咗人哋阿妈
呐~
大家应该仲记得
前排佢突然过敏
“婴儿肥”突然流失
双唇红肿似腊肠
被唔少网友质疑佢“换面”
纷纷都劝解佢唔好转look啦
呢次佢陪住仔仔周围玩
青春活力好似统统返晒嚟
睇嚟多啲出去玩
心情靓、人都会特别靓噶
都要放完假啦
如果大家仲想去玩
不如揾周末时间
跟Color君逛下城市老街啦
“花城”广州
除咗一年四季有花睇
唔少街道都会用“花”字命名嘎
漫步其中
可以探寻
每条“花路”背后嘅故事
换一个角度
体验花城独特韵味啦
流花湖：落花寄情思
据公园介绍，
流花湖是晋代芝兰湖的旧址
因湖东北不远处
有南汉古迹流花古桥而得名。
相传南汉时期
南汉皇宫依水筑建咗
一座芳春园（又名甘泉苑）
园内有奇花异草、林木参天
以及一座下可通舟的木桥
宫女们会将思念之情
寄托于花朵、投掷于水中
期望花朵漂出深宫外
让亲人们能够看到
1958年
广州市人民政府发动全市人民
开挖人工湖
令佢兼备蓄洪、排洪功能
公园一年四季鲜花盛放
春天可以睇紫荆、木棉
夏天湖内赏荷花
仲有羽杉、大榕树作伴
公园外就系
宫粉紫荆一条街嘅人民北路
嚟到“法兰克福花园”
（又叫玫瑰园）
数十种姹紫嫣红嘅
“花中皇后”月季花尽收眼底
流花湖嘅标志性建筑
欧式风格嘅“广州白宫”
前身系“唐苑酒家”
大家细个嘅时候
有冇陪长辈嚟饮过茶啊？
而公园最hit嘅打卡点之一
系与它隔湖相望嘅湖边步道
既可以拍到靓靓欧式建筑
又可以拍到落日美景
花地湾：城中桃花源
“花地”原名叫“花埭”
因明代居民在此
开荒、植花而得名
由于地势低、水网密集
形成了堤堰曲折嘅景象
且“埭”同“地”同音
到咗明末清初先称之为“花地”
“花地”属于芳村
而芳村都有唔少街道名
由“花地”派生噶
例如花湾路、花蕾路、
花地大道等等
喺花地湾内嘅聚龙古村
建筑风格融合了
开平碉楼和西关大屋的特色
村口有高大嘅木棉树
居民家门口
亦有盛开嘅三角梅
青砖屋与灿烂的一抹艳红
相搭浓淡相宜
低调的古木
新鲜的花花草草
清新的香气
令古村生机勃勃
村中不少老房子
被改造成民宿、私房菜
周末来吃顿饭、住一晚
就可以沉浸式感受
专属这里的岁月静好了
梅花村：自有暗香来
位于中山一路
中段北侧的梅花村
上世纪20年代曾被称为模范村
1931年陈济棠喺呢度修建官邸
喺路两边种满梅花
因而得名
随着梅花种植数量增多
梅花村、沙河涌同风雅居
形成三条梅花景观带
成为广州的赏花圣地之一
每年12月到次年1月
两边嘅梅花盛放
吸引唔少市民打卡、拍花
虽然依家未系梅花的花期
但仍可以见到
几朵梅花傲立枝头
漫步梅花村
除咗赏花
仲可以欣赏到
民国时代嘅建筑
陆幼刚旧居
系一栋英式风格的老别墅
历经岁月的洗礼
可以想象梅花盛开时
建筑与花互相映衬的独特韵味
广州“花街”如此多fun
大家仲有冇熟悉嘅“花街”
喺评论区话俾我哋知啦
想知道更多老广好去处
记得关注Color了喔
资料来源：712期可乐报、羊城晚报
微博等网络综合信息整理
编辑：饶禧
审核：曾敏妍
签发：骆苹
【微店】羊晚文创线上商店
【邮政】中国邮政微邮局
【淘宝】羊晚生活馆
都可以订阅《可乐生活》
▼▼▼
>>>
一次过get可乐报详细内容
羊城晚报报业集团旗下的粤语生活类报纸，广东省唯一一份粤语刊物。广州至潮至IN的吃喝玩乐，湾区潮流资讯风向，统统喺晒度！
微信公众号、微博、微信视频号、喜马拉雅@可乐生活Color
哗哩哗哩、小红书 @Color班马
抖音@可乐生活
官方商务合作QQ：1902182069（请注明来意）
官方微信号：靓仔可乐君（handsomecolor）（请注明来意）
