「香香公主」岑麗香
前兩日喺網上po咗
一組親子日常靚相
只見佢着白色襯衫
加熱辣短褲
同可愛仔仔
從堆沙玩到入波波池
香香興奮比耶
似乎仲開心過仔仔喔
黑超遮眼
但依然擋唔住
香香嘅甜美笑容
喺抓拍中嘅動作、體態
充滿咗少女感
網友激贊佢「青春無敵」
完全唔似做咗人哋阿媽
吶~
大家應該仲記得
前排佢突然過敏
「嬰兒肥」突然流失
雙唇紅腫似臘腸
被唔少網友質疑佢「換面」
紛紛都勸解佢唔好轉look啦
呢次佢陪住仔仔周圍玩
青春活力好似統統返曬嚟
睇嚟多啲出去玩
心情靚、人都會特別靚噶
都要放完假啦
如果大家仲想去玩
不如搵周末時間
跟Color君逛下城市老街啦
「花城」廣州
除咗一年四季有花睇
唔少街道都會用「花」字命名嘎
漫步其中
可以探尋
每條「花路」背後嘅故事
換一個角度
體驗花城獨特韻味啦
流花湖：落花寄情思
據公園介紹，
流花湖是晉代芝蘭湖的舊址
因湖東北不遠處
有南漢古迹流花古橋而得名。
相傳南漢時期
南漢皇宮依水築建咗
一座芳春園（又名甘泉苑）
園內有奇花異草、林木參天
以及一座下可通舟的木橋
宮女們會將思念之情
寄託於花朵、投擲於水中
期望花朵漂出深宮外
讓親人們能夠看到
1958年
廣州市人民政府發動全市人民
開挖人工湖
令佢兼備蓄洪、排洪功能
公園一年四季鮮花盛放
春天可以睇紫荊、木棉
夏天湖內賞荷花
仲有羽杉、大榕樹作伴
公園外就係
宮粉紫荊一條街嘅人民北路
嚟到「法蘭克福花園」
（又叫玫瑰園）
數十種奼紫嫣紅嘅
「花中皇后」月季花盡收眼底
流花湖嘅標誌性建築
歐式風格嘅「廣州白宮」
前身係「唐苑酒家」
大家細個嘅時候
有冇陪長輩嚟飲過茶啊？
而公園最hit嘅打卡點之一
係與它隔湖相望嘅湖邊步道
既可以拍到靚靚歐式建築
又可以拍到落日美景
花地灣：城中桃花源
「花地」原名叫「花埭」
因明代居民在此
開荒、植花而得名
由於地勢低、水網密集
形成了堤堰曲折嘅景象
且「埭」同「地」同音
到咗明末清初先稱之為「花地」
「花地」屬於芳村
而芳村都有唔少街道名
由「花地」派生噶
例如花灣路、花蕾路、
花地大道等等
喺花地灣內嘅聚龍古村
建築風格融合了
開平碉樓和西關大屋的特色
村口有高大嘅木棉樹
居民家門口
亦有盛開嘅三角梅
青磚屋與燦爛的一抹艷紅
相搭濃淡相宜
低調的古木
新鮮的花花草草
清新的香氣
令古村生機勃勃
村中不少老房子
被改造成民宿、私房菜
周末來吃頓飯、住一晚
就可以沉浸式感受
專屬這裡的歲月靜好了
梅花村：自有暗香來
位於中山一路
中段北側的梅花村
上世紀20年代曾被稱為模範村
1931年陳濟棠喺呢度修建官邸
喺路兩邊種滿梅花
因而得名
隨着梅花種植數量增多
梅花村、沙河涌同風雅居
形成三條梅花景觀帶
成為廣州的賞花聖地之一
每年12月到次年1月
兩邊嘅梅花盛放
吸引唔少市民打卡、拍花
雖然依家未係梅花的花期
但仍可以見到
幾朵梅花傲立枝頭
漫步梅花村
除咗賞花
仲可以欣賞到
民國時代嘅建築
陸幼剛舊居
係一棟英式風格的老別墅
歷經歲月的洗禮
可以想像梅花盛開時
建築與花互相映襯的獨特韻味
廣州「花街」如此多fun
大家仲有冇熟悉嘅「花街」
喺評論區話俾我哋知啦
想知道更多老廣好去處
記得關注Color了喔
資料來源：712期可樂報、羊城晚報
微博等網絡綜合信息整理
編輯：饒禧
審核：曾敏妍
簽發：駱蘋
【微店】羊晚文創線上商店
【郵政】中國郵政微郵局
【淘寶】羊晚生活館
都可以訂閱《可樂生活》
▼▼▼
>>>
一次過get可樂報詳細內容
羊城晚報報業集團旗下的粵語生活類報紙，廣東省唯一一份粵語刊物。廣州至潮至IN的吃喝玩樂，灣區潮流資訊風向，統統喺曬度！
微信公眾號、微博、微信視頻號、喜馬拉雅@可樂生活Color
嘩哩嘩哩、小紅書 @Color班馬
抖音@可樂生活
官方商務合作QQ：1902182069（請註明來意）
官方微信號：靚仔可樂君（handsomecolor）（請註明來意）
