陳奕迅&李克勤都自愧不如？“一叮”鬼才倍出驚喜多多，新版開波就有“變裝皇后”驚艷全場

最近TVB推出多檔新綜藝

其中就有由阿Bob、馮盈盈主持嘅

《全城一叮》

呢個節目會邀請電視城中嘅藝人上台

希望佢哋出盡八寶

吸引評委嘅眼球

只要自己撐夠時長就可以晉級

各位為咗成績

都摞曬自己嘅看家本領出嚟

唱歌、跳舞、扮嘢都難唔到佢哋

but評委團就比較嚴苛

等佢哋show到咁上下

就會俾人叮走

直到演員林子超嘅出現

驚艷咗大家

開始佢褸住風衣懶神秘咁出場

音樂響起就開始扭動身體

聚光燈聚焦嘅瞬間

佢脫去外套

露出一身熱辣女裝

keep得好好嘅身材

加上魅惑嘅舞姿

成功俘虜咗在座所有人

儘管佢嘅肢體稍微欠缺柔軟

歌聲亦都一般

但就憑佢反串嘅膽量&創意

呢鋪俾佢晉級真係一啲都唔過分

林子超入行四、五年時間

佢嘅身影已經出現喺好多電視劇中

喺《大醬園》《深宮計》嘅表現

仲相當突出、俾人印象深刻

《大醬園》中嘅員工“包旺”

《深宮計》中太醫“陳銘風”

《星空下的仁醫》佢都有份出演

今次佢用心設計嘅“變裝皇后”舞台

更令大家對佢印象又再深刻咗

《全城一叮》播出引發關注

大家不由自主咁諗起

十幾年前風靡一時嘅《殘酷一叮》

嗰時候節目係邀請素人上台嘅

冇咩舞台經驗嘅人為咗搏眼球

更加係冇包袱、大尺度咁釋放自己

加上評委、嘉賓嘅發言

令現場笑料百出

超自信“氣球男”喺劉德華面前

“傾情”演繹本尊金曲

仲扮曬自己唔識整麥

要華仔上台幫手

有“走音哥”成首作品都不在調上

聽到評委李燦森憤然離席

但又因為佢嘅搞怪驚喜

全員開啟“模仿秀”模式

“愛心”人士“露點”曬身材

嚇到楊千嬅“喊”出嚟

李克勤更係狂“叮”要佢離場

因為怕佢後面嘅舉動唔出得街

容祖兒發掘到

可以唱《未知》嘅“接班人”

佢演唱時嘅投入程度好加分

各種各樣嘅奇葩選手

係當時觀眾嘅快樂源泉

有人覺得睇過呢啲舞台之後

瞬間成個人都自信咗咗添

除咗奇奇怪怪嘅搞笑陣容之外

《殘酷一叮》都有過黑馬登場

可以一人模仿多人聲線嘅馮文樂

就俾過大家好多驚喜

最經典嘅就係

佢同李克勤&陳奕迅

三人同台嘅畫面

佢將克勤嘅零瑕疵震音完美復刻

又把譚校長嘅絕美聲線呈現

連Eason都驚嘆佢嘅能力

自己cos校長嘅時候

要用“經典動作”嚟補救聲線不足

~嗱~

呢啲節目除咗娛樂大家

其實都俾咗好多有才能嘅人機會

等佢哋有舞台

可以show出自己嘅才能

機會都係留俾有準備的人嘅

如果大家都有啲了不起嘅技能

不妨多加練習

等到有機會嘅時候

摞出嚟威翻下哦

MORE

今日娛樂看點

《藏地奇兵》定檔

呢部由秦嵐出品嘅電影

定檔10月13日

片中除咗有曠遠遼闊嘅川藏風光

仲有讓人腎上腺素飆升嘅動作元素

攝製組喺極限海拔之下實景拍攝

勢要為大家揭開藏地秘密

鍾家琪黑化進度條拉滿！

《美麗戰場》開播一周

蔣家旻飾演嘅“鍾家琪”

牙尖嘴利、有仇必報

令觀眾憤怒值持續升級

陳立農喺博物館拍MV

陳立農全新單曲《他們都不懂》

MV今日上線

今次佢變身博物館小保安

以柏拉圖《理想國》洞穴寓言為概念

將大家嘅回憶整理並珍藏在心底

資料來源：綜藝截圖、微博

編輯：郭瑋

審核：曾敏妍

簽發：駱蘋

*文中圖片版權歸原作者所有，

如涉及侵權請聯繫，立即刪除

掃描下方二維碼訂閱

【微店】可樂生活小店

【淘寶】羊晚生活館

【郵政】中國郵政微郵局

▼

>>>

一次過get可樂報詳細內容

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。

官方微信號：靚仔可樂君（handsomecolor）