娱快讯 | 鹿晗晒新发型告别花美男；Baby首唱摇滚洗底成功

搜索：真．复出？罗志祥传本月出歌　博入围金曲奖

台湾艺人罗志祥（小猪）去年4月因被周扬青“毁灭式分手”致半退出演艺事业，近年佢只系靠影片平台开Channel留住网友心，即使佢早喺7月就已经话做紧新歌，不过都系只闻楼梯响，估唔到今日（2日）有台媒爆料，指小猪将于本月重返歌坛，推出全新单曲回归歌手事业，睽违歌坛两年，佢更揾到韩国音乐人合作，连拣喺11月线上发行新单曲，都系为咗新作可以符合金曲奖嘅报名资格，准备十足！

至于新歌发行上架，则交由华纳唱片旗下嘅全球独立音乐分销公司子厂牌发行，该公司除咗签小猪外，亦即将发行今届金曲奖新人得主?te怀特嘅新作品，睇嚟小猪对于入围金曲奖真系志在必得。

搜索：鹿晗变发晒素颜样　阳刚味返晒嚟

国家广电总局8月尾发布新规令，杜绝“娘/炮”等畸形审美，外界称为“限娘令”，矛头直指流量明星鹿晗，本身一头长发兼成日化浓妆嘅佢，未知系咪因为受到压力，最近将长发剪短，虽然前面刘海都系齐荫，但阳刚气息增加唔少，仲将头发染番啡色，而佢嘅自拍相中，冇用滤镜及化妆，素颜上阵，即时变番有男子气慨！

另外，台湾艺人彭于晏，早前又系唔剪头发兼留须，吓坏一众“彭太太”，大呼男神崩坏，今日佢就晒出新相，又系剪咗一头短发，不过就只得背面照，但从照片都见到佢宽阔而结实嘅肩膀，一众“彭太太”即时大叫老公！

搜索：舒淇首扮村姑全素颜　只眼开只眼闭赢晒

舒淇变“单眼淇”！影后级女星舒淇近日在内地为新戏《寻她》赶工拍摄，并首次饰演农妇，因要配合角色需要，全程要素颜上阵，女神天生丽质，当然冇有怕，农妇造型曝光后，立刻被封为“最索农妇”。昨晚（1日）舒淇“报喜”称电影已拍摄完成，并网晒和男主角白客及一班幕后工作人员擦大餐的照片，最有趣的，是她网晒的自拍照中，几乎每张的表情都是单眼。

舒淇的自拍款式“单眼套餐”如下：单眼配托腮、单眼配伸脷，又或单眼配露齿笑！不过，无论她是否“只眼开只眼闭”，依然引来大批网民赞好给Like，笑言她单眼一样索，但也有网民真的担心，反问是否因敏感致左眼有问题，但答案是冇问题，因有唯一一张相是冇单眼，仲多咗两条眼纹！舒淇更留言指拍摄期间常爆水管：“一整个跟水度过的剧组，从开机到关机，一整部常常爆水管的戏，愿大家未来安好，杀青大吉！”

搜索：Angelababy Rock爆舞台洗底成功

女星Angelababy（杨颖）出名系音痴，被网民笑指每次上台献唱都必会出现走音情况笑料百出，但近日佢竟然向高难度挑战大玩摇滚，更一鸣惊人获网民激赞歌艺大跃进，成功洗底！

昨晚（1日）佢现身双11晚会，与近日凭真人骚《披荆斩棘的哥哥》人气急升嘅内地歌手张淇夹Band合唱，见Baby以黑色皮褛配皮裙，再衬红色手套及吊饰做点缀，红黑造型够晒Rock，表演方面佢亦成功驾驭摇滚歌曲，独特嘅声音反而同Band Sound非常配合，令人相当惊喜，网民更指佢日后可向Rock歌发展。除咗担任表演嘉宾外，佢当晚亦身兼主持，见佢以白色碎花透纱长裙上阵，仙气十足，虽然拍住其他前辈级主持，但佢都未有怯场，口齿伶俐表现出色。

搜索：黄宗泽获猫仔探班　萌爆骑膊头似鹦鹉

艺人黄宗泽（Bosco）现时正忙于为新剧《法证先锋V》开工，日前就有一位“小朋友”探佢班，仲骑咗上佢个膊头上，Bosco分享3张佢哋嘅合照上网，并留言：“呢位小朋友相当招积㖞！点解你咁锺意企喺人膊头嘅！”原来呢位“招积小朋友”系一只猫仔，不过佢唔系一只街猫，而系有人养嘅，佢喺Bosco个膊头行来行去，仲好鬼精灵咁周围望，网民都即刻留言：“当自己系鹦鹉？”、“前世系猴子仔。”