同《星空下的仁医》同日上线嘅
《换命真相》正在热播中
比起TVB传统套路模式嘅《仁医》来讲
《换命》走穿越烧脑路线
题材略为新颖
就算冇咩“台柱”撑场
都吸引咗唔少穿越剧爱好者支持
其实佢嘅剧情都系常规走向：
主角遇到令自己后悔终生嘅遗憾事件
因为阴差阳错、穿越到事情发生之前
利用身份之便改写历史、扭转结局
男一号谭俊彦
当初顶住“星二代”狄龙之子嘅名号
进入大众视线
演技一直备受质疑
谭俊彦喺《天命》中饰演大清皇帝，
被指“用力过猛”
只识戚眉发嬲，面瘫冇演技。
经过多部戏嘅打磨历练
如今演技大有进步
但依然好多网友表示
佢嘅演绎略显尴尬
除咗演技，佢最近仲同
一部大热韩剧的男主撞脸
又成功蹭咗一波热度
男二号张颖康
身份系男一嘅死党兼同事
喺上一部《逆天奇案》
佢诠释嘅反社会人格变态杀手魏子乐
同刘佩玥饰演嘅尤丽
有过一段感人肺腑、可歌可泣嘅爱情
最终自食恶果、不得善终
时隔几个月
“逆天CP”来到《换命真相》碰头
之不过今期两人冇缘分了
互相有咗另一半心头好
“逆天缘”从此不再有
男三系新仔朱敏瀚
以前喺其他戏
都系演啲冇乜对白嘅二打六
今次有幸做咗男主室友
多咗好多镜头
所以佢都真系“搏到尽”
佢喺剧中嘅角色叫做“朴宝剑”
系个中韩混血儿
有时仲可以听到佢
用韩文同屋企人打电话
都算演得有纹有路
除此之外
因为佢对男一号有强烈好奇心
出尽奇招想证明自己嘅谂法
出卖“肉体”呢招真系够晒博眼球
两大男主对住镜头
剥衫show肌肉
又真系几养眼嘅
返来返来！讲返正题！
换命嘅真相究竟系咩嘢？
大家都系要关注返剧情
一起追剧揾结果啦！
资料来源：电视剧截图、海报、豆瓣、微博
互联网综合整理
编辑：郭玮
*文中图片版权归原作者所有，
如有问题，请与原作者联系
扫描下方二维码
进入可乐生活小店
▼
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
