罗志祥传已付恺乐500万新台币解约金

台湾舞王罗志祥（小猪）去年被旧爱周扬青爆锺意玩“多人运动”，更同旗下嘅“蝴蝶姐姐”恺乐有“长期不正当关系”。虽然小猪已逐渐复出，拍片提升人气，但恺乐向周扬青道歉后就人间蒸发。

传小猪已付解约金畀恺乐！

早前盛传小猪会畀恺乐解约金，自此不拖不欠，今日有传小猪已畀对方500万元新台币（约140万港元），不过恺乐因受负评影响心情，虽然曾有朋友介绍工作畀佢，但佢都一一婉拒，认为自己未喺工作状态。对于小猪已付解约金，小猪经理人话只系同恺乐合约啱啱到期，但就冇解约金嘅事。

以后不拖不欠。

有指恺乐全盛时期每年收逾千万元新台币，好在佢为人知悭识俭，而佢仲有2层总值4,000万新台币（约1,190万港元）嘅物业打底，相信佢经济暂冇乜大问题。