【点新闻报道】当初跟风移民的港人，若今时今日醒觉条数计错咗，一系就继续挨落去，一系就“认命”回到起点，从新面对竞争。有一名移民加拿大的港女在网上发文话，早前回港与亲友相聚，发现个个朋友都已高薪厚职，“唔系Senior manager 就系director，唔少都系百万年薪”，加上家人每日洗脑叫她回流，话香港“好食好住，又揾多啲钱”，楼主坦言“真系既矛盾又挣扎，何处是吾家？”。
该名移加港女在社交平台threads发文分享对回流的挣扎，“返咗香港3星期，以为系一个机会比自己enjoy下香港，同朋友见下面，反思下返唔返香港呢个问题。”她指自己一向对回流开放乐观，既想回港陪家人，又想揾钱，“未出发之前我系好乐观正面，觉得短期内应该可以计划返香港，原因都系家人同埋想揾多几个钱。”
不过，楼主返港后，发现个个朋友都已高薪厚职，自己己远远落后，“而家啲朋友个个唔系Senior manager 就系director，唔少都系百万年薪。其实咁耐冇返去，啲朋友都仲会抽空出黎见我，我都好感动。不过感情long d 其实点都淡，人大咗人情冷暖都明，个人都学识唔好咁执着。”
反之，楼主在加拿大的生活却入不敷出，仍跌落地揦返拃沙咁话，“返到加拿大训返张又大又舒服慨床，一个人住5百几尺，出门揸车，chill住去coffee shop，放工上山滑雪，同一班系到识咗几年慨朋友饮茶打牌，就算生活paycheque to paycheque，其实都唔太差。”
楼主透露家人不断催促她回流，但她担心自己年纪唔细，因此犹豫不决，“当然屋企人每日洗脑叫我返香港，又话好食好住，又揾多啲钱。不过而家呢个年纪都冇得弹出弹入，回流，可能一回就要几十年。”最后，不禁叹道：“真系既矛盾又挣扎，何处是吾家？”。
不少网民留言指“心安之处是吾家”，“冇必要挣扎，加拿大不是你理想居住地方，回香港去系最佳选择”、“我92年移民去满地可 返过香港ー次，系香港做咗半年工作，不想返去加拿大，见到落雪就憎死了，铲雪手都起水泡！”。
