同《星空下的仁醫》同日上線嘅
《換命真相》正在熱播中
比起TVB傳統套路模式嘅《仁醫》來講
《換命》走穿越燒腦路線
題材略為新穎
就算冇咩「台柱」撐場
都吸引咗唔少穿越劇愛好者支持
其實佢嘅劇情都係常規走向：
主角遇到令自己後悔終生嘅遺憾事件
因為陰差陽錯、穿越到事情發生之前
利用身份之便改寫歷史、扭轉結局
男一號譚俊彥
當初頂住「星二代」狄龍之子嘅名號
進入大眾視線
演技一直備受質疑
譚俊彥喺《天命》中飾演大清皇帝，
被指「用力過猛」
只識戚眉發嬲，面癱冇演技。
經過多部戲嘅打磨歷練
如今演技大有進步
但依然好多網友表示
佢嘅演繹略顯尷尬
除咗演技，佢最近仲同
一部大熱韓劇的男主撞臉
又成功蹭咗一波熱度
男二號張穎康
身份係男一嘅死黨兼同事
喺上一部《逆天奇案》
佢詮釋嘅反社會人格變態殺手魏子樂
同劉佩玥飾演嘅尤麗
有過一段感人肺腑、可歌可泣嘅愛情
最終自食惡果、不得善終
時隔幾個月
「逆天CP」來到《換命真相》碰頭
之不過今期兩人冇緣分了
互相有咗另一半心頭好
「逆天緣」從此不再有
男三係新仔朱敏瀚
以前喺其他戲
都係演啲冇乜對白嘅二打六
今次有幸做咗男主室友
多咗好多鏡頭
所以佢都真係「搏到盡」
佢喺劇中嘅角色叫做「朴寶劍」
係個中韓混血兒
有時仲可以聽到佢
用韓文同屋企人打電話
都算演得有紋有路
除此之外
因為佢對男一號有強烈好奇心
出盡奇招想證明自己嘅諗法
出賣「肉體」呢招真系夠曬博眼球
兩大男主對住鏡頭
剝衫show肌肉
又真係幾養眼嘅
返來返來！講返正題！
換命嘅真相究竟係咩嘢？
大家都係要關注返劇情
一起追劇搵結果啦！
資料來源：電視劇截圖、海報、豆瓣、微博
互聯網綜合整理
編輯：郭瑋
*文中圖片版權歸原作者所有，
如有問題，請與原作者聯繫
掃描下方二維碼
進入可樂生活小店
▼
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
