娛快訊 | 鹿晗曬新髮型告別花美男；Baby首唱搖滾洗底成功

搜索：真．復出？羅志祥傳本月出歌　博入圍金曲獎

台灣藝人羅志祥（小豬）去年4月因被周揚青「毀滅式分手」致半退出演藝事業，近年佢只系靠影片平台開Channel留住網友心，即使佢早喺7月就已經話做緊新歌，不過都系只聞樓梯響，估唔到今日（2日）有台媒爆料，指小豬將於本月重返歌壇，推出全新單曲回歸歌手事業，睽違歌壇兩年，佢更搵到韓國音樂人合作，連揀喺11月線上發行新單曲，都係為咗新作可以符合金曲獎嘅報名資格，準備十足！

至於新歌發行上架，則交由華納唱片旗下嘅全球獨立音樂分銷公司子廠牌發行，該公司除咗簽小豬外，亦即將發行今屆金曲獎新人得主?te懷特嘅新作品，睇嚟小豬對於入圍金曲獎真系志在必得。

搜索：鹿晗變發曬素顏樣　陽剛味返曬嚟

國家廣電總局8月尾發佈新規令，杜絕「娘/炮」等畸形審美，外界稱為「限娘令」，矛頭直指流量明星鹿晗，本身一頭長髮兼成日化濃妝嘅佢，未知系咪因為受到壓力，最近將長發剪短，雖然前面劉海都系齊蔭，但陽剛氣息增加唔少，仲將頭髮染番啡色，而佢嘅自拍相中，冇用濾鏡及化妝，素顏上陣，即時變番有男子氣慨！

另外，台灣藝人彭于晏，早前又系唔剪頭髮兼留須，嚇壞一眾「彭太太」，大呼男神崩壞，今日佢就曬出新相，又系剪咗一頭短髮，不過就只得背面照，但從照片都見到佢寬闊而結實嘅肩膀，一眾「彭太太」即時大叫老公！

搜索：舒淇首扮村姑全素顏　隻眼開隻眼閉贏曬

舒淇變「單眼淇」！影后級女星舒淇近日在內地為新戲《尋她》趕工拍攝，並首次飾演農婦，因要配合角色需要，全程要素顏上陣，女神天生麗質，當然冇有怕，農婦造型曝光後，立刻被封為「最索農婦」。昨晚（1日）舒淇「報喜」稱電影已拍攝完成，併網曬和男主角白客及一班幕後工作人員擦大餐的照片，最有趣的，是她網曬的自拍照中，幾乎每張的表情都是單眼。

舒淇的自拍款式「單眼套餐」如下：單眼配托腮、單眼配伸脷，又或單眼配露齒笑！不過，無論她是否「隻眼開隻眼閉」，依然引來大批網民贊好給Like，笑言她單眼一樣索，但也有網民真的擔心，反問是否因敏感致左眼有問題，但答案是冇問題，因有唯一一張相是冇單眼，仲多咗兩條眼紋！舒淇更留言指拍攝期間常爆水管：「一整個跟水度過的劇組，從開機到關機，一整部常常爆水管的戲，願大家未來安好，殺青大吉！」

搜索：Angelababy Rock爆舞台洗底成功

女星Angelababy（楊穎）出名系音痴，被網民笑指每次上台獻唱都必會出現走音情況笑料百出，但近日佢竟然向高難度挑戰大玩搖滾，更一鳴驚人獲網民激讚歌藝大躍進，成功洗底！

昨晚（1日）佢現身雙11晚會，與近日憑真人騷《披荊斬棘的哥哥》人氣急升嘅內地歌手張淇夾Band合唱，見Baby以黑色皮褸配皮裙，再襯紅色手套及吊飾做點綴，紅黑造型夠曬Rock，表演方面佢亦成功駕馭搖滾歌曲，獨特嘅聲音反而同Band Sound非常配合，令人相當驚喜，網民更指佢日後可向Rock歌發展。除咗擔任表演嘉賓外，佢當晚亦身兼主持，見佢以白色碎花透紗長裙上陣，仙氣十足，雖然拍住其他前輩級主持，但佢都未有怯場，口齒伶俐表現出色。

搜索：黃宗澤獲貓仔探班　萌爆騎膊頭似鸚鵡

藝人黃宗澤（Bosco）現時正忙於為新劇《法證先鋒V》開工，日前就有一位「小朋友」探佢班，仲騎咗上佢個膊頭上，Bosco分享3張佢哋嘅合照上網，並留言：「呢位小朋友相當招積喎！點解你咁鍾意企喺人膊頭嘅！」原來呢位「招積小朋友」系一隻貓仔，不過佢唔系一隻街貓，而系有人養嘅，佢喺Bosco個膊頭行來行去，仲好鬼精靈咁周圍望，網民都即刻留言：「當自己系鸚鵡？」、「前世系猴子仔。」