「聖誕2022」Glamping露營好去處 觀星賞月營地推薦

趁住今年無得飛，不如約埋家人好友到郊區搵個靚營地共渡假期！小T都有幾個觀星賞月營地推介，一齊睇嚇啦～

上水虎地山莊

園區設施齊備，有浴室及雪櫃等公用設施。設Carpus自攜裝備野外計劃，唔提供任何裝備，自助紮營，俾新手可以初試體驗露營感覺！附近河上鄉仲可以品嘗馳名嘅豆腐花～虎地山莊位於上水虎地坳村，環境優美，晚上觀星一流，更有機會見到螢火蟲添呀！

圖片來源:長州西園
長州西園農莊

嚟到長洲唔一定住渡假屋，去長州西園農莊露營都系一個好選擇！園劃分四個主題營區，除咗提供露營，更有多種玩樂設施及歷奇體驗等戶外活動， 啱哂一家大細去玩！

元朗白泥部落

白泥部落位於八鄉石崗，系新界區少有大型特色露營場地。除咗有自助紮營區，更設有豪華露營區，有3款特色營舍可供選擇： 帆船營、部落營、星空營。 每個特色營舍均設有酒店式配套，啱哂唔鐘意背一大袋裝備嘅你！

YHA西貢白沙澳圓帳營豪華露營體驗

位於赤徑渡輪碼頭旁嘅YHA白沙澳青年旅舍，場地設施充足。旅舍沿海下路漫步約20分鐘，就系海下灣海岸公園，可以浮潛觀賞珊瑚群，亦可到附近大灘郊遊徑欣賞紅樹林。晚上有大片迷人星空，啱哂賞月！

露營體驗 x 水上活動

大嶼山長沙浪高長岸露營/ 露營車體驗

嫌露營有啲單調，都有營區系可以玩一系列水上活動！浪高長岸除咗提供豪華露營、露營車及燒烤設施，仲可到中心門外長沙沙灘玩獨木舟、人體衝浪板、淺水衝浪板、滑浪風帆、軟身滑浪板及直立滑浪板，一齊過返個消暑刺激夏日周末！

西貢獨木舟＋露營體驗 2日1夜

無人島都可以體驗野外住宿樂趣！喺無人島沙灘獨佔燦爛星河，中秋賞月超有氣氛～乘獨木舟近距離觀看1億4千萬年前嘅火山岩石，仲可以DIY早餐，喺沙灘上嘆柴火壽喜燒或野外燒烤，無論新手老手、一家大細都可以體驗獨特旅程！